Oct. 21 aginzod ji-jakibii’igeng. Da-gagiiginigewag daga Justin Trudeau Liberals ji-gibichiiwaad gemaa bakaan awiya da-gagiiginaawag ji-niigaaniitamowaad gichi-ogimaawin omaa Canada.
Awenen ge-jakibii’amawag aandi gaye ji-jakibii’igeyaan?
Endashid awiya da-jakibii’ige ningoji gikinawaach, wezhibii’igaadenig omazina’iganiwaang wiindamaagewin. Igi Elections Canada da-niibidebiiwaawag omaa aandi ji-dazhi-jakibii’igeng.
Ji-gikendaman awenenag minik bemibatoowaad gechiwaag ini 338 dibaakaanan,maagonan omaa.
READ MORE: Canada election — Here’s what you need to know to vote
Awenen ge-jakibii’iged?
Ji-jakibii’igeyamban, onjida:
– Canada ji-izhi-dibendaagoziwin
– 18 ji-apiitiziwin gemaa ji-gitaadiziwin
– ji-debweyan aweneniwiyan aandi gaye daawin
Daga ji-ozhibii’ogowin ji-jakibii’igeyamban, maagonan omaa.
Giishin aazha ozhibii’ogosiwan, gidaa-mooshkinebii’ige endazhi-jakibii’igeng gigiziyan gidaawi-mazina’iganan.
-
![]()
Federal Election 2019: Responsibility to remedy Indigenous injustices should be acknowledged, says Singh -
![]()
Leaders’ Debate: Other leaders attack Trudeau over record on Indigenous relations -
![]()
Federal Election 2019: Liberal government would create ‘arctic policy framework’ if re-elected, says Trudeau -
![]()
Federal Election 2019: Trudeau pledges to ‘further’ protect environment, bring clean power to Indigenous communities -
![]()
Leaders’ Debate: Energy, mining sectors biggest areas for Indigenous employment: Scheer -
![]()
Leaders’ Debate Wrap: How Indigenous issues were discussed
Wegonen mazina’iganen endawendamaan?
Ji-jakibii’igewin, ji-debwewin aweneniwiyan, aandi gidaawin gaye. Niizh gegoon ge-izhi-gashkitoowin:
Get breaking National news
Biidoon gibimibizonike mazina’igan gemaa mazinaakizowin gidaawiwin, giwiinzowin, aandi daawin gichi-ogimaawining onji (miziwekamig, gidakiikaaning gemaa gechiwaag).
Niizh mazina’iganan gidaawiwin giwiinzowin dagosing. Bezhig ji-ikidoomagak aandi gidaawin. Daabishkoo, gidaawiwin mazina’igan zhigwa deba’aman gegoo endaayan. Omaa gidaa-mikaanan ge-minosegin.
READ MORE: Indigenous issues largely absent from election campaign — why?
Ayaasiwaan idash aawiwin, aaniin ge-doodamaambaan?
Ezhising imaa Elections Canada, gidaa-gashkitoon ji-jakibii’igeyan giishin ozhibii’aman aweneniwiyan awiya gaye ji-naadamoog gidaawiwin. Awe dash gaa-naadamaag ji-waabanda’iwed aweneniwid, aandi gaye daad.
When can I vote?
Aanapii ge-jakibii’igeyaan?
Mii ono aanind giizhigadoon ge-gashkitooyan ji-jakibii’igeyan gaa-bimibatoong.
– Jakibii’igen aandi gechiwaag eyaamagak apii, Oct. 21, 2019.
– Giishpin gashkitoosiwan ji-izhaayan apii jekibii’igeng, niiyaag gidaa-jakibii’ige Oct. 11, 12, 14, zhigwa 14.
Da-ozhibii’igaadewan ini gijakibii’ige mazina’iganing.
– Gidaa-jakibii’ige bigo imaa Elections Canada baakising minik Oct. 15, izhising mazina’iganing.
Gidaa-izhinizha’aan gaye gijakibii’igan jibwaa 6 p.m. waabanong diba’igan Oct. 15 aginzod eta.
Apii baakising miziwe Canada akiing apii jakibii’igeng (gechiwaag endaso-diba’iganeyaagin)
Newfoundland Izhiseg: 8:30 a.m. – 8:30 p.m.
Atlantic Izhiseg: 8:30 a.m. – 8:30 p.m.
Waabanong Izhiseg: 9:30 a.m. – 9:30 p.m.
Naawakiing Ezhiseg*: 8:30 a.m. – 8:30 p.m.
Asiniwajiw Ezhiseg*: 7:30 a.m. – 7:30 p.m.
Pacific Izhiseg: 7 a.m. – 7 p.m.
READ MORE: Boil water advisories, health-care problems in Manitoba: What the federal parties are promising
Nindaa-agwaataan ina nindanokiiwin ji-jakibii’igeyaan?
Canada onaakonigewining, endashid enokii’iwed ji-miinaad odanokiiwinan nisowaakaase ji-jakibii’igenid apii baakisininig gaa-jakibii’igeng, ji-noonde-dibawaasig gaye.
Jakibii’igewin Wiindamaagewin ningoji gaa-daasigwaa
Giishin ningoji owendaasiwan, michi-biindiganigoowining ayaayan, gidaa-aabajitoon iwe ezhi-daawin. Giishin idash gagetin owendaasiwan, gidaa-aabajitoon ezhi-biindigazhiwewaad gemaa gaa-ashamigoowin gidizhi-daawin.
Ji-debwewin gidaawin, giga-andawenimaa gaa-niigaaniid gaa-anokiid imaa biindigazhiwewining gemaa gaa-ashangeng ji-ozhibii’amaang gidaawin imaa. Giishpin idash aawiwin mazina’igan ayaasiwan, gidaa-gagwejimaa awiya ji-giigidootamaag, onjida dash wiinawaa ji-ayaawaad aweneniwiwaad, aandi daawaad gaye.
-
![]()
Indigenous advocate says stay of ruling could mean Ottawa decides if compensation happens -
![]()
Indigenous advocate says she’s ‘flabbergasted’ at government appeal of compensation for First Nations children -
![]()
Jody Wilson-Raybould discusses new book, Indigenous reconciliation during Toronto visit -
![]()
Edmonton educator reflects on residential schools’ impact on Orange Shirt Day
Jakibii’igewin wiindamaagewin Gikino’amawaaganag onji
Giishpin gikino’amawaaganag niizh ayaawaad ezhi-daawaad, ji-gagiiginamowaad aandi iwe noonde-aabajitoowaad jakibii’igewaad. Bigo iwe ikidowaad, ji-aabajitoowaad iwe daawin apii jakibii’igewaad.
Giishpin bakaan ningoji dazhi-gikino’amaagoowin, gidaa-izhinizha’aan ge-jakibii’amawad.
READ MORE: Trudeau’s Liberals benefited from record Indigenous voter turnout in 2015. Can they again?
Nindaa-jakibii’ige ina giishpin bakaan akiing daayaan omaa dash izhi-dibendaagoziyaan?
Eya.
Gidaa-maagonaan omaa ji-wiindamaagoowin bakaan akiing ayaayan ji-jakibii’igeyan, giga-izhinizha’amaagoo mazina’igan ji-wiiji’igooyan.
Aaniin minik aginjiganang ji-bakinaagewaad ji-niigaaniiwaad?
170 ji-bakinaagewaad gichi-onashowewining ji-niigaaniiwaad gichi-ogimaawin.
Ge-ani-dabasaginzowaad gichi-ogimaawining, gaawiin gii-debisesigwaa 170 aginjigana’, wiinawaa dash ani-niizh niigaaniiwaad, da-giigidootamaagewag gichi-ogimaawining.
Comments